Լրանում է ՌՀՄԱԿ-ի 11 տարին

Այսօր լրանում է Ռուս-Հայկական մարդասիրական արձագանքման կենտրոնի 11-տարին: Անցած տարիների ընթացքում Կենտրոնը դարձել է մասնագետների վերապատրաստման, միջազգային համագործակցության զարգացման և արտակարգ իրավիճակների կանխարգելման և արձագանքման ժամանակակից մոտեցումների ներդրման կարևոր հարթակ:

Իր գործունեության 11 տարիների ընթացքում ՌՀՄԱԿ-ն իրականացրել է տասնյակ կրթական և մարդասիրական նախաձեռնություններ, համախմբելով տարբեր երկրների մասնագետներին փորձի փոխանակման և անվտանգության ու արտակարգ իրավիճակների արձագանքման ոլորտում համատեղ աշխատանքի համար։ Այսօր դա հազարավոր վերապատրաստված մասնագետներ են, միջազգային նախագծեր, մարդասիրական ծրագրեր և փրկարարների պատրաստման համակարգի զարգացում Հայաստանում ու Անդրկովկասյան տարածաշրջանում։

Այսօր ՌՀՄԱԿ-ը ժամանակակից ուսումնական և գործնական կենտրոն է, ինչպես նաև մասնագետների թիմ, որոնք աշխատում են անվտանգության մակարդակի բարձրացման, մասնագիտական կարողությունների զարգացման և հումանիտար փոխգործակցության ամրապնդման ուղղությամբ։ Կենտրոնն ունի քաղաքացիական պաշտպանության Միջազգային կազմակերպության տարածաշրջանային ուսումնական կենտրոնի կարգավիճակ, ակտիվորեն համագործակցում է Ռուսաստանի ԱԻՆ առաջատար ԲՈՒՀ-ի հետ և  մշակում է իր սեփական ծրագրերը հրշեջների ու փրկարարների պատրաստման մասնագիտական գործունեության տարբեր ոլորտներում:

ՌՀՄԱԿ-ը շարունակում է զարգացնել կրթական նախաձեռնությունները, ամրապնդել մասնագիտական համագործակցությունը և զարգացնել ենթակառուցվածքները։ Կենտրոնը ներդնում է արտակարգ իրավիճակներին արձագանքելու ժամանակակից տեխնոլոգիաներ և նոր մոտեցումներ կատարելագործելով հրշեջների ու փրկարարների պատրաստման համակարգը և ընդլայնում մարդասիրական արձագանքման հնարավորությունները տարածաշրջանում։