Գիտական գործունեություն
ՌՀՄԱԿ-ն իրականացնում է կիրառական գիտավերլուծական և փորձագիտական գործունեություն, որը ուղղված է փրկարարների պատրաստման ժամանակակից մոտեցումների զարգացմանը և արտակարգ իրավիճակների արձագանքման արդյունավետության բարձրացմանը:
Կենտրոնը մասնակցում է միջազգային գիտագործնական համաժողովներին, ոլորտային ֆորումներին և միջգերատեսչական միջոցառումներին, ինչպես նաև հարթակ է հանդիսանում սեփական գիտական ու կրթական միջոցառումների անցկացման համար:
Մասնակցություն գիտական միջոցառումներին
Կենտրոնի ներկայացուցիչները պարբերաբար մասնակցում են քաղաքացիական պաշտպանության, վթարա-փրկարարական աշխատանքներին և ժամանակակից մեթոդների տեխնոլոգիաների ներդրման վերաբերյալ միջազգային համաժողովների: Այդ թվում՝ նաև Ռուսաստանի ԱԻՆ մասնագիտացված հաստատությունների կողմից անցկացվող միջոցառումներին:
Գիտական նիստերի շրջանակներում քննարկվում են հրշեջների և փրկարարների վերապատրաստման, անօդաչու տեխնոլոգիաների կիրառման, տեղեկատվական համակարգերի զարգացման, ինչպես նաև օբյեկտների ու կենսաապահովման համակարգերի գործունեության կայունության ապահովման հարցերը։
Փորձագիտական փոխգործակցության արդյունքներն ու ժամանակակից փորձը, որոնք քննարկվում են նման հարթակներում, ինտեգրվում են Կենտրոնի կրթական ծրագրերում և օգտագործվում պատրաստման մեթոդիկաների կատարելագործման ժամանակ։
Համաժողովների կազմակերպում և փորձի փոխանակում
ՌՀՄԱԿ-ը հանդես է գալիս որպես միջազգային գիտագործնական կոնֆերանսների կազմակերպիչ և համակազմակերպիչ, որոնք միավորում են քաղաքացիական պաշտպանության և արտակարգ իրավիճակների արձագանքման ոլորտի մասնագետներին:
Առանցքային միջոցառումների թվում են «Համագործակցություն հանուն փրկության» և «Սպիտակի երկրաշարժի պատմական փորձը. սեյսմիկ անվտանգության ժամանակակից տեխնոլոգիաներ» կոնֆերանսները, որոնք անցկացվել են տարբեր երկրների գիտական կազմակերպությունների և փրկարարական ծառայությունների մասնակցությամբ:
Նման միջոցառումները մասնագիտական հարթակ են ստեղծում փորձի փոխանակման, առկա մարտահրավերների քննարկման և բնակչության ու տարածքների պաշտպանության համակարգված մոտեցումներ մշակելու համար։
Հեռանկարային հետազոտական ուղղություններ
Զարգացման առաջնահերթ ուղղություններից մեկը փրկարարների ֆունկցիոնալ վիճակի ուսումնասիրման գիտական բազայի ձևավորումն է իրականությանը մաքսիմալ մոտ պայմաններում։
Կենտրոնի ունիվերսալ մարզահամալիրի բազայի հիման վրա գործում է «Հրշեջների և փրկարարների ֆունկցիոնալ պատրաստվածության գնահատման լաբորատորիա» մոդուլը, որտեղ իրականացվում է ֆիզիկական վիճակի համալիր գնահատում, մոդելավորվում են իրական աշխատանքին համապատասխանող ծանրաբեռնվածություններ և վերլուծվում են օրգանիզմի հիմնական ցուցանիշները, ներառյալ նյութափոխանակությունը և մարմնի կազմը:
Հեռանկարում նախատեսվում է բժշկական համալսարանի ուսանողների և պրոֆիլային մասնագետների ներգրավումը վթարա-փրկարարական աշխատանքների ընթացքում տարբեր տեսակի ծանրաբեռնվածության դեպքում սթրեսների նկատմամբ օրգանիզմի արձագանքման հետազոտական աշխատանքներին: Նման հետազոտության արդյունքները կօգտագործվեն գործնական առաջարկություններ մշակելու և փրկարարների վերապատրաստման արդյունավետության հետագա բարձրացման համար:
