ՌՀՄԱԿ-ում ավարտվեցին սակրավորների դասընթացները

Մայիսի 12-ից 23-ը Կենտրոնում անցկացվեց Մարդասիրական ականազերծման մասնագետների վերապատրաստում» ծրագիրը, որին մասնակցում էին ՀՀ ՆԳՆ Փրկարար ծառայության 10 ծառայողներ: Ուսուցումն իրականացնում էին Ռուսաստանի ԱԻՆ ՊՀԾ Սանկտ- Պետերբուրգի համալսարանի դասախոսները:

Ծրագրի տեսական մասի ընթացքում փրկարարները ուսումնասիրեցին ականազերծման հիմունքները, տարբեր տեսակի զինամթերքներ և ինքնաշեն պայթուցիկ սարքեր, պայթեցման գործողությունների անվտանգության կանոնները, ինչպես նաև աշխատանքների կազմակերպման և կատարման կարգը։

Մարզումների գործնական մասը անցկացվեց մասնագիտացված վարժարանում՝ վարժական զինամթերքի օգտագործմամբ։ Դասընթացից հետո ուսանողները ստացան ծրագրիրը հաջող ավարտելու վերաբերյալ վկայականներ։