ՌՀՄԱԿ-ը անցկացրեց վերապատրաստում Մեհրաբյանի անվան քոլեջի ուսանողների համար
ՌՀՄԱԿ-ը շարունակում է համագործակցությունը Երևանի Մեհրաբյանի անվան բժշկական քոլեջի հետ։ Երկու օրվա ընթացքում Կենտրոնի բազայում անցկացվեց գործնական դասընթաց, որը նվիրված էր բարդ պայմաններում տուժածներին առաջին օգնություն և բուժօգնություն ցուցաբերելուն, ներառյալ աշխատանքը փակ տարածքներում: Դասընթացը կազմակերպվել էր ուսանողների երկու խմբի համար:
Ծրագրի նպատակն էր զարգացնել ապագա բուժաշխատողներին անհրաժեշտ հմտությունները ոչ ստանդարտ և պոտենցիալ վտանգավոր միջավայրում օգնություն ցուցաբերելիս: Մասնակիցները մշակել են գործողություններ, որոնք կարող են պահանջվել բժշկական անձնակազմի կողմից ԱԻ պայմաններում աշխատելիս:
Գործնական պարապմունքներն անցկացվեցին ՌՀՄԱԿ ուսումնամարզական ենթակառուցվածքների օգտագործմամբ, ինչը թույլ է տալիս մոդելավորել տարբեր սցենարներ: Նման պատրաստվածությունն օգնում է ուսանողներին ավելի վստահորեն կիրառել ստացած գիտելիքները, կողմնորոշվել բարդ իրավիճակներում և պատրաստ լինել մասնագիտական խնդիրների կատարմանը ուսումնառության ավարտից հետո:
