Կրակի և ծխի միջով. ՀՀ ՆԳՆ ավելի քան 300 փրկարար անցնում են մասնագիտական պատրաստության ինտենսիվ դասընթացներ

ՌՀՄԱԿ բազմաֆունկցիոնալ վարժական համալիրում ՀՀ ՆԳՆ փրկարար ծառայության աշխատակիցներն անցնում են գազածխապաշտպանների պատրաստություն թեմայով լայնամասշտաբ դասընթացներ, որի նպատակն է շուրջ 302 փրկարարի սովորեցնել գործել էքստրեմալ պայմաններում:

Ինչ են սովորում դասընթացի ընթացքում.
▪️ ՍՕՇԱ (սեղմված օդի շնչառական ապարատների)  կառուցվածքն ու վերահսկումը:
▪️ Արագ վերանորոգում. անսարքությունների անհապաղ վերացումը կանչի ժամանակ:
▪️ Հետախուզություն զրոյական տեսանելիության պայմաններում. ծխապատ միջավայրում տուժածների որոնման ալգորիթմները:

◽️Իրական պայմաններ. մարտիկները մարզվում են հատուկ ջերմածխախցում և զրոյական տեսանելիության պայմաններում անցնում են պինդ վառելիքով աշխատող հրդեհային նմանակիչի միջով, ։
◽️ Արդեն վերապատրաստվել են․ Երևանի, Կոտայքի, Արարատի, Արագածոտնի և Արմավիրի մարզերի փրկարարները, ուսուցումը շարունակվում է։