Մարդասիրական օգնության տրամադրման կենտրոնի աշխատանքները
Մեր Կենտրոնի գործունեության ուղղություններից մեկն է նաև մարդասիրական օգնության տեղափոխումը աղետից տուժած կամ դրա եզրին գտնվող շրջանների բնակչությանը:
Մենք մշտապես ցուցադրում ենք մարդասիրական գործունեության արդյունավետությունը, կարևորությունը և դրական ազդեցությունը:
2023 թվականին Ռուս-Հայկական մարդասիրական արձագանքման կենտրոնը 23 տոննա մարդասիրական օգնություն է հասցրել երկրաշարժից տուժած Իրանի Իսլամական Հանրապետության բնակչությանը։ Վրաններից, ծալովի մահճակալներից ու վերմակներից բաղկացած բեռը հանձնվել է Իրանի Իսլամական Հանրապետության Կարմիր մահիկի ընկերության ներկայացուցիչներին։
Կենտրոնը նաև մարդասիրական օգնություն է հասցրել Լեռնային Ղարաբաղի տարածքից բռնի տեղահանված բնակչությանը։ Գիշերելու տեղեր նախապատրաստելու համար Սևանի, Գավառի և Մասիսի քաղաքապետարաններին են փոխանցվել ծածկոցներ և մահճակալներ։ Ընդամենը երկու օրվա ընթացքում առաքվել է ավելի քան 2,5 տոննա մարդասիրական բեռ։
Նոյեմբերին, Հայաստանում Ռուսաստանի Դաշնության դեսպանության կողմից, ՌԴ կառավարության անունից ցուցաբերվել է աջակցություն , լուծելով լոգիստիկ խնդիրները առաքվել է 40 տոննա մարդասիրական բեռ, որը իր մեջ ներառում էր սնունդ, վերմակներ և շարժական էլեկտրակայաններ։
Ներկայումս կենտրոնի տարածքում ավարտվում է անգարային տիպի համալիր կառույցի շինարարությունը, որը թույլ կտա ՌՀՄԱԿ-ին հետագայում էականորեն ընդլայնել մարդասիրական օգնության առաքման լոգիստիկ կենտրոնի հնարավորությունները: Տարածաշրջանի երկրներում հումանիտար առաքելությունների ապահովման և զարգացման համար բոլոր հետաքրքրություն ցուցաբերողներին հրավիրում ենք համատեղ համագործակցության։
