Միջազգային համագործակցություն

ՌՀՄԱԿ-ը հետևողականորեն զարգացնում է միջազգային համագործակցությունը փրկարարների վերապատրաստման, փորձի փոխանակման և արտակարգ իրավիճակների արձագանքման ժամանակակից տեխնոլոգիաների ներդրման ոլորտներում:

Կենտրոնը հանդես է գալիս որպես տարածաշրջանային հարթակ, որը միավորում է Մերձավոր Արևելքի, Հյուսիսային Աֆրիկայի, Կենտրոնական և Հարավային Ասիայի երկրների մասնագիտական համայնքները։

Համագործակցություն քաղաքացիական պաշտպանության Միջազգային կազմակերպության հետ

Միջազգային գործունեության առանցքային ուղղություն է փոխհամագործակցությունը ՔՊՄԿ-ի հետ։ 2023 թվականին ՌՀՄԱԿ-ը ստացել է կազմակերպության հավատարմագրումը որպես տարածաշրջանային ուսումնական կենտրոն: Կենտրոնը ընդգրկված է նաեւ ՔՊՄԿ  գիտա-կրթական կոմիտեում, որի շրջանակներում ձևավորվում և հաստատվում են անդամ երկրների համար նախատեսված կրթական ծրագրերը:

2026 թվականի սկզբի դրությամբ ՌՀՄԱԿ բազայի հենքի վրա վերապատրաստվել են արտասահմանյան մասնագետների հինգ խմբեր աշխարհի 17 երկրներից, ներառյալ Մերձավոր Արևելքի, Հյուսիսային Աֆրիկայի և Ասիայի երկրները: Վերապատրաստված մասնագետների ընդհանուր թիվը գերազանցել է 50-ը։  Ներկայումս ՔՊՄԿ-ն հավատարմագրել է Կենտրոնի չորս ուսումնական ծրագրեր, որոնք ընդգրկում են վթարա-փրկարարական աշխատանքների և ժամանակակից տեխնոլոգիաների կիրառման առանցքային ուղղությունները:

Տարածաշրջանային համագործակցության զարգացում

ՌՀՄԱԿ-ը հետևողականորեն կապեր է հաստատում Հյուսիսային Աֆրիկայի, Մերձավոր Արևելքի, Կենտրոնական և Հարավային Ասիայի երկրների հետ: Այս փուլում Կենտրոնի աշխատանքն ուղղված է կայուն մասնագիտական կապերի ձևավորմանը, պրոֆիլային կառույցների հետ փոխգործակցության հաստատմանը և փրկարարների պատրաստման ոլորտում հետագա համագործակցության հեռանկարների մշակմանը:

Առանձին ուշադրություն է դարձվում այս տարածաշրջաններում «Ռոսսոտրուդնիչեստվո»-ի ներկայացուցչությունների հետ փոխհամագործակցությանը, ինչը թույլ է տալիս կապեր հաստատել արտասահմանյան գործընկերների հետ և ընդլայնել Կենտրոնի միջազգային ներկայությունը։