ԱԻ արձագանքում
Արտակարգ իրավիճակների արձագանքումը ՌՀՄԱԿ կանոնադրական հիմնական խնդիրներից մեկն է:
Կենտրոնը մասնակցում է բնական և տեխնածին աղետների հետևանքների վերացմանը, ապահովելով աջակցություն Հայաստանի Հանրապետության ներքին գործերի նախարարության Փրկարար ծառայության ստորաբաժանումներին:
Ձևավորված նյութատեխնիկական բազան և մասնագետների պատրաստվածությունը Կենտրոնին թույլ են տալիս գործել ինչպես տեղական պատահարների, այնպես էլ մասշտաբային ԱԻ պայմաններում:
Կենտրոնի տրամադրության տակ են 178 միավոր հրշեջ-փրկարարական տեխնիկա և սարքավորումներ, որոնք մշտապես պատրաստ են օգտագործման: Դրանք անվավոր մեքենաներ են, ներառյալ վթարա-փրկարարական ավտոմեքենաներ, կվադրոցիկլեր, հիդրոցիկլեր, ավտոկռունկ և օժանդակ տրանսպորտային միջոցներ․ հրշեջ-տեխնիկական սարքավորումներ և հանդերձանք, կապի միջոցներ, էլեկտրակայաններ և ինքնաբավ (ավտոնոմ) լուսավորության համակարգեր, անօդաչու թռչող սարքեր, ինչպես նաև հիդրավլիկ, պնևմատիկ և թվային սարքավորումների լայն տեսականի:
Առանձին ուղղություն է ՀՀ ՆԳՆ Փրկարար ծառայության ստորաբաժանումների հագեցվածությունը: Մինչ օրս նրանց տնօրինության է փոխանցվել 1283 միավոր տեխնիկա և սարքավորումներ, որոնք ներառվել են ՌՀՄԱԿ արձագանքման միասնական համակարգում ։ Դրանք են՝ վթարա-փրկարարական ավտոմեքենաներ, ամենագնացներ, լողամիջոցներ, կապի միջոցներ, էներգամատակարարման և լուսավորության համակարգեր, ինչպես նաև կենսաապահովման սարքավորումներ։
Կենտրոնը ոչ միայն փոխանցում է տեխնիկան, այլև մասնակցում է դրանց շահագործմանը: ՌՀՄԱԿ մասնագետները մասնակցում են պլանային ստուգումներին, տրամադրում են սպասարկման համար առաջարկություններ և իրականացնում են սարքավորումների օգտագործման համակարգված գրառումներ: Սա թույլ է տալիս հետևել տեխնիկայի արդյունավետ օգտագործմանը և պահպանել դրանց աշխատանքային վիճակը:
Փորձը ցույց է տալիս, որ տեխնիկան պահանջված է և ակտիվորեն օգտագործվում է. միայն 2025 թվականին այն օգտագործվել է 9 474 անգամ, օգնություն է ցուցաբերվել 1 623 քաղաքացու։
ՌՀՄԱԿ-ը պարբերաբար ներգրավվում է Հայաստանի տարածքում արտակարգ իրավիճակների հետևանքների վերացման աշխատանքներում
- Պայթյուն «Սուրմալու» առևտրի կենտրոնում (Երևան, 2022 թվականի օգոստոս)
- Խոշոր բնական հրդեհներ (Լոռու և Սյունիքի մարզեր, 2019 թվական)
- Հեղեղումներ (Տավուշի և Լոռու մարզեր, 2024 թվականի մայիս–հունիս)
- Լանդշաֆտային հրդեհներ (Տավուշի մարզ, 2025 թվականի նոյեմբեր)»
