ՀՀ արտակարգ իրավիճակների նախարարության տարածքային ստորաբաժանումների 10 մասնագետներ վերապատրաստման դասընթացներ անցնելու վերաբերյալ վկայականներ ստացան: Բոլոր մասնակիցները, որոնք ստացել են վկայագրեր, զբաղեցնում են առաջատար դիրքեր հրշեջ-փրկարարական ստորաբաժանումներում, և արդեն փորձ ունեցել են անտառային հրդեհների մարման աշխատանքներում: Նրանք նշեցին, որ ձեռք բերված տեսական գիտելիքներն ու գործնական հմտությունները կօգնեն արդյունավետ կերպով պայքարել անտառային հրդեհների դեմ:
Վկայագրերի հանձնման պաշտոնական արարողությանը մասնակցեցին Ռուս-Հայկական մարդասիրական արձագանքման կենտրոնի տնօրենի տեղակալ ռուսական կողմից Կ. Է. Իզվարինը և հայկական կողմից Ռուս-Հայկական մարդասիրական արձագանքման կենտրոնի տնօրենի տեղակալ Է. Ա. Յասչյանը:
Կենտրոնի ներկայացուցիչները իրենց շնորհակալությունն են հայտնել ՌԴ արտակարգ իրավիճակների նախարարության Պետական հրդեհային ծառայության Սանկտ Պետերբուրգի պետական համալսարանի ղեկավարությանը և ամբողջ անձնակազմին `նման վերապատրաստման դասընթաց կազմակերպելու և անցկացնելու համար, ինչպես նաև նշեցին, որ սա համալսարանի աշխատակցի կողմից անցկացվող դասերի առաջին փորձն էր ՌՀՄԱԿ-ի բազայում, և որ հետագայում կզարգացվի միջազգային համագործակցության այս ուղղությունը:
Դասընթացի ընթացքում օտարերկրյա մասնագետները մասնակցեցին անտառային հրդեհների պատճառների և զարգացման թեմայով դասախոսություններին՝ շեշտը դնելով Հայաստանի Հանրապետության բնակավայրերին և անտառներին, ինչպես նաև դասախոսույուններ եղան անտառային հրդեհների դեմ պայքարի ամենաարդյունավետ ուղիների վերաբերյալ, հիմնվելով ՌԴ արտակարգ իրավիճակների նախարարության հրշեջ – փրկարարական բաժինների մասնակցության փորձի վրա, որը ձեռք է բերվել ինչպես ՌԴ տարածքում, այնպես էլ արտերկրում հրդեհների մարման գործում: Գործնական պարապմունքներ անցկացվեցին Հայաստանի Հանրապետության լեռնային շրջանում, որտեղ գտնվում է անտառային պահուստի մեծ մասը, և որտեղ մեծ հրդեհներ են տեղի ունեցել արդեն իսկ մեկ տարի առաջ, իսկ 2018 թվականին արձանագրվել են փոքր հրդեհներ: ՀՀ արտակարգ իրավիճակների նախարարության մարտական ստորաբաժանումները և Ոուս-Հայկական հումանիտար արձագանքման կենտրոնիհատուկ փրկարարական սարքավորումները ներգրավվել են զորավարժություններին: Դասընթացի ընթացքում մշակվել են հրդեհաշիջման և փրկարարական սարքավորումների օգտագործման բոլոր հնարավոր եղանակները լեռնային շրջաններում բոլոր տեսակների անտառային հրդեհների մարման համար: