Աշխատանքային այցի շրջանակներում ՌՀՄԱԿ-ի համատնօրեն Յուրի Վ. Պոլեշուկը այցելել է ՌԴ արտակարգ իրավիճակների նախարարության Քաղաքացիական պաշտպանության Ակադեմիա: Ակադեմիայի ղեկավար գեներալ-մայոր Վիկտոր Պանչենկովի հետ հանդիպման ընթացքում ստորագրվել է համագործակցության զարգացման և կրթության ոլորտում ՔՊԱ-ի և ՌՀՄԱԿ-ի միջև փոխշահավետ շահերի տրամադրման վերաբերյալ Համաձայնագիր: Յուրի Պոլեշուկը և գեներալ-մայոր Վիկտոր Պանչենկովը քննարկել են ստորագրված Համաձայնագրի շրջանակներում համագործակցության հիմնական ուղղությունները՝
- որակյալ մասնագետների վերապատրաստում
- աշխատանքային փորձի և տեղեկատվության համակարգված փոխանակում անձնակազմի ունակությունների կատարելագործման և վերապատրաստման ոլորտում
- գիտա-տեխնիկական տեղեկատվության փոխադարձ փոխանակում
- նոր ուսումնական համատեղ ծրագրերի ստեղծում, հաշվի առնելով ՌԴ և ՀՀ փրկարարական ծառայությունների գործունեության և պայմանների առանձնահատկությունները
համատեղ գիտահետազոտական աշխատանքների իրականացում, գիտագործնական կոնֆերանսների և սեմինարների անցկացում:
