ՀՀ ՆԳՆ փրկարար ծառայության մասնագետները շաբաթվա ընթացքում Կենտրոնի ուսումնական բազայում՝ պատրաստվում էին փլատակների, ավերված շենքերի ու շինությունների մեջ փրկարարական աշխատանքների անցկացման հմտություններին։
Դիտարկվել են քաղաքային պայմաններում որոնողա-փրկարարական ոլորտում INSARAG մեթոդաբանության հիման վրա փրկարարական աշխատանքների կազմակերպման և անցկացման սկզբունքները։ Դասընթացը ներառում էր տեսական և գործնական ուսուցում անօդաչու թռչող սարքերի, տարբեր տեսակի փրկարարական գործիքների և կապի մասնագիտացված սարքավորումների կիրառմամբ: Վարժանքներ են եղել տուժածներին ապաշրջափակելու, կառույցներում բացվածքների, կառուցվածքային տարրերի բարձրացման և տեղափոխման համար հատուկ սարքերի միջոցով։ Նաև ուսուցվողները հնարավորություն ունեցել փորձարկել սահմանափակ տարածքներում խոչընդոտները հաղթահարելու, փլատակների տակից տուժածներին հանելու և ավերված շենքերի վերին հարկերից տուժածներին տարհանելու մասնագիտացված միջոցներ կիրառելու իրենց հմտությունները:
Դասընթացն ավարտվեց տեսական քննությամբ և ընդգրկուն գործնական պարապմունքով։ Քննությունը հաջողությամբ հանձնածները ստացան Կենտրոնի կողմից վերապատրաստման վկայականներ: